ນິຍາຍ “ຄູ“
ຄູ...ຄືຄຳດຽວດ່ຽວສັ້ນ.........ແສນຄ່າຄວາມໝາຍໃຫ້ປັນຍາແຍງເຍືອງ............ຮຸ່ງເຮືອງຮອງແຈ້ງ
ເປັນດັ່ງແສງທຽນໃຕ້............ຈຸດປະກາຍປາດປ່ອງ
ມອງເຫັນໄກເກື່ອນກວ້າງ......ຄູສ້າງສິດມາ
ຄູ...ຄືປ້າຍບອກຊີ້................ຕາມໄຕ່ທາງຖະໜົນ
ບົນຫົນທາງທຽວເດີນ...........ດ່ວນດີດອມຮ້າຍ
ແມ່ພິມໃຫຍ່ເຮົາເວົ້າ.............ກໍຄູເຮົາຜູ້ສອນສັ່ງ
ຄອຍນຳພາຊ່ອຍສ້າງ.............ເຊີງຊັ້ນສາດຕະສິນ
ຄຳວ່າ “ຄູ“ ຄືຜູ້ໃຫ້................ຫຼາຍສິ່ງສາລະພັນ
ທັງແມ່ນປູມປັນຍາ...............ສະຫຼາດແຫຼມໃສສິ້ງ
ໃຫ້ອະນາຄົດກວ້າງ..............ວາງຄຳສອນປ້ອນບົ່ມ
ບໍ່ເຄີຍຈາຈົ່ມຮ້າຍ.................ໄຂຂໍ້ຫຍາບຄາຍ
ຄຳວ່າ “ຄູ“ ຊື່ນີ້....................ມີປ່ຽມຄວາມໝາຍ
ໄປ່ນິຍາມຄຳຄູ....................ຄູ່ຄຽງຄຸນໄດ້
ບຸນຄຸນຄູຫຼາຍລ້ານ...............ປະພັນຫຼາຍເຫຼືອຄ່າ
ສມຸດທາເກື່ອນກວ້າງ...........ຫາປຽບໄດ້ໄປ່ມີ ເຈົ້າເອີຍ
ປະພັນໂດຍ: ອຸລາ ພົມມະສຸກຂະ
ຫຼານຍ່ານາງລາວ
ไม่มีความคิดเห็น:
แสดงความคิดเห็น