“ບ້ານແມ່ຂ້ອຍ“
ນີ້ຄືບົນບ່ອນບ້ານ..............ຂານຊື່ແສນສະບາຍຮຽມໃຫ້ສາຍຍານາມ.........ເມື່ອມາກຸງກວ້າງ
ສຸກທາງນະຄອນພີ້............ມີເຫຼືອປານໄປ່
ສຸກໃນບ້ານແມ່ຂ້ອຍ..........ຫຼັງນ້ອຍຕູບຕອງ
ຊື່ສຽງຄົນໄປ່ຮູ້...................ຫວນຮ່ຳຄະນິງເຫັນ
ເປັນດິນດອນດົງດອຍ........ດ່ານເຂົາໂຂງຂັ້ນ
ຫຼາຍໂຍດຍານພັນລີ້...........ແລວທາງທຽວໄຕ່
ເພື່ອໄປຈວນຈອດຈ້ຳ..........ເຮືອນຫ້ອງແຫ່ງຮັງ
ຫຼັງຄາມຸງແຕ່ຫຍ້າ................ຕໍຕໍ່າຈຳດິນ
ຍາມຝົນລິນໄຫຼນອງ............ຮົ່ວຊຶມແຊມບ້າງ
ກາງຄືນເຫັນເດືອນແຈ້ງ.......ດວງດາວສາດສ່ອງ
ຫຼັງຄາມີປ່ອງນ້ອຍ..............ລຽນລ້ອມຫຼາກຫຼາຍ
ຫາກເຮືອນຕໍຕູບນີ້.............ມີຊື່ແສນສຸກ
ທຸກໆຄົນພຽນແພງ.............ຮັກແຮງຫອມເຮົ້າ
ບໍ່ເຄີຍຊຶມໂສກາເສົ້າ............ເນົານອນສະບາຍເບີກ
ເຖິງຊົນນະບົດບ່ອນບ້ານ.....ຄົນຂານເວົ້າກໍ່ຊ່າງຕາມ ເທາະນາ
--------------------------------------------------------------
ປະພັນໂດຍ: ອຸລາ ພົມມະສຸກຂະ
ຫຼານຍ່ານາງລາວ
05 ກັນຍາ 2019
ไม่มีความคิดเห็น:
แสดงความคิดเห็น