"ເຊີນທ່ຽວບຸນທາດອິງຮັງ"
ສະຫວັນງາມເອກອ້າງ . . . . ປູຊະນີຍະສະຖານ
ພຣະທາດອິງຮັງແນວໂຮມ . . ຮ່ວມໃຈປະຊາເຊື້ອ
ເຊີນເດີ້ ພົງພີ່ນ້ອງ . . . . . . ແດນເໜືອໃຕ້ຕໍ່າ
ແຂກທາງໄກມໍ່ໃກ້ . . . . . . ເຊີນອ້າຍແວ່ຊົມ ແນ່ນ່າ
ວັນນີ້
ທ້ອງຟ້າໃສສະຫວ່າງແຈ້ງ . . ແສງສ່ອງສີເຫຼືອງ
ເຮືອງຮຸ່ງຮອງອະນາ . . . . ເຂດນະພາຜືນຟ້າ
ສະຫວັນນະເຂດແຂວງກໍ້າ . . ດິນຄຳນໍ້າຊຸ່ມ
ຊຸມຊົນສຸມຊ່ວຍຊວ້ານ . . . ແຮງສ້າງຮ່ວມສະຫຼອງ
ເດືອນສິບສອງເຈີດຈ້າ . . . . ປະຊາຊື່ນສັດທາ
ບຸນນະມັດສະການ . . . . . . ຂາບບູຊາໄຫວ້
ພຣະທາດໃຫຍ່ອີງຮັງເຈົ້າ . . . ມິ່ງຂວັນບ້ານຊ່ອງ
ປວງປະຊາທົ່ວຜ້ອງ . . . . . ປອງດອງສ້າງສືບສານ
ປີນີ້ຂານຂ່າວໃຫ້ . . . . . . . ໄຂເປີດພິທີການ
ວັນທີເກົ້າທັນວາ . . . . . . ເລີ່ມງານງາມລໍ້າ
ເທດສະການບຸນບ້ານ . . . . ມະຮຶມາຍິ່ງໃຫຍ່
ຊົມລາຍລາວແອ່ນຟ້ອນ . . . ໂຢະຢ້ອນອ່ອນໃສ່ກັນ
ມະໂຫລີຂັບຮ້ອງ . . . . . ລຳສີ່ຈັງຫວະ
ສະຫຼອງບຸນປະຈຳ . . . . . ຄູ່ປີສານສ້າງ
ນ້ອມນະມັສການໄຫວ້ . . . ທາດອິງຮັງສູງສະຫງ່າ
ໃສ່ບາດທັງຢາດນໍ້າ . . . . ແຫ່ຜາສາດເຜິ້ງພ້ອມ
. . . . . . . . . . . . ພໍແລ້ວຈັ່ງຄ່ອຍເມືອ ທ່ານເອີຍ
ປະພັນໂດຍ: ອຸລາ ພົມມະສຸກຂະ
(ຫຼານຍ່ານາງລາວ)
໑໕.໑໒.໒໐໑໘
 |
| ຮູບພາບ: Nok Chansamone |
ไม่มีความคิดเห็น:
แสดงความคิดเห็น