ບົດກອນ: ລໍອ້າຍອອນລາຍ ຫຼານຍ່ານາງລາວ

"ລໍອ້າຍອອນລາຍ"

ນ້ອງນີ້ຄິດຄໍ່າຄ້ອຍ . . . . . . . ຄອຍສ່ອງ Facebook
ທຸກລະທົມທາງທວງ . . . . . . ໂສກຊຶມຊວງເສົ້າ
Messenger ກໍເຫງົາແງ້ນ . ແສນໂສກາເປົ່າປ່ຽວ
ຄົນເຄີຍທຽວວ່າເວົ້າ . .  .  . ເຄີຍເອົາຄຳຫວານຫວ່ານໃຫ້
. . . . . . . . .. . . . . . . . . . . ບໍ່ເຫັນຊໍ້າຊິອອນລາຍ

ຫຼາຍວັນຄືນທີ່ອ້າຍ . . . . . . ຫາຍຫ່າງເຫີນຮາມ
ຄອຍຊ່າມຊາຊາຍອອນ . . . ຕໍ່ກອນນຳນ້ອງ
ຄອງແລ້ວຄອງຍັງຈ້ອຍ . . . ຄືຫອຍນາຝັກໄຂ່
ເຟັສແອຟລາຍກໍມາມິດມີ່ມ້ອຍ . . ບໍ່ດູຕົນນ້ອງຜູ່ຄອຍ ແນ່ບໍ?

ທຸກນາທີ
ທະຍອຍທຽວສ່ອງປ້າຍ . ໃນຂີດສີຂຽວ
ຫຼຽວເຫັນກໍພໍພຽງ . . . . ພາບດຳເຕີມຊໍ້າ
ແຕ່ກໍທຳໃຈສູ້ . . . . . . . ເປີດເຟັສດູຄອຍພີ່
ລໍວັນທີ່ບ່າວອ້າຍ  . . . . ອອນລາຍແລ້ວຕອບນາງ ນັ້ນນ່າ

----------------------------------
✍🏼ຫຼານຍ່ານາງລາວ
10.ທັນວາ.2017