ຜູ້ຊາຍຈີນພົວພັນກັບຍິງລາວເພື່ອຫຍັງ? ຝາກໄວ້ໃຫ້ເປັນຂໍ້ຄິດ

ຜູ້ຊາຍຈີນພົວພັນກັບຍິງລາວເພື່ອຫຍັງ?

      ເຮົາມັກປາກົດເຫັນຂ່າວໃນສື່ອອນລາຍປະເພດຕ່າງໆກ່ຽວກັບຊາຍໜຸ່ມຈີນມາຫາເອົາເມຍຢູ່ລາວ ຫຼື ຂ່າວເຫດຮ້າຍຫຼັງການແຕ່ງງານ ໄປໃຊ້ຊີວິດຮ່ວມກັບສາມີເຊື້ອຊາດຈີນ ລວມທັງການຂົ່ມຂູ່ແຮງງານຂອງແມ່ຍິງ ຫຼືຄົນລາວ (ບາງກຸ່ມ) ທີ່ເຮັດວຽກໃຫ້ເຂົາເຈົ້າ.

            ເມື່ອເວົ້າເຖິງການພົວພັນແບບຊູ້ສາວ ຂອງສາວລາວ-ບ່າວຈີນ ແມ່ນມີມາແຕ່ສະໄໝດຶກດຳບັນແລ້ວ.

       ເຊິ່ງຂ້າພະເຈົ້າໄດ້ໄປອ່ານພົບໃນປື້ມພົງສາວະດານລາວ ຄົ້ນຄວ້າໂດຍ ດ.ຣ ສີທຸຍ ສຸວັນນະສີ 143/1999 ຕອນຊົນຊາດລາວ ໃນສະໄໝດຶກດຳບັນ ເມື່ອ 5.500 ປີກ່ອນ ໄດ້ມີເນື້ອໃນກ່າວເຖິງການພົວພັນ ຍາດແຍ່ງດິນແດນ ທີ່ທຳຢູ່ຫາກິນຂອງຊົນຊາດລາວ ຫຼືໃນສະໄໝນັ້ນເຮົາເອີ້ນປະເທດລາວວ່າ “ອ້າຍລາວ“   ໂດຍການສົ່ງເອກຄັກຄະລາຊະທູດມາປະຈຳຢູ່ນະຄອນປາ ໃນປີ 3940 ທຸກຄົນນັ້ນ ຊື່ມົງຕີ້ ເຂົ້າມາດຳເນີນນະໂຍບາຍ ຍາດແຍ່ງຍຶດຄອງອານາຈັກຊົນຊາດອ້າຍລາວ ໂດຍການເຊື່ອມຊຶມ ຫຼື ໃຊ້ສົງຄາມເຢັນ ສົງຄາມເສດຖະກິດຍາດແຍ່ງທີ່ທຳຢູ່ທຳກິນ ແຕ່ງດອງກັບຄົນລາວ ໂດຍຜູ້ຊາຍຈີນມາເອົາຍິງລາວ ແຕ່ຜູ້ຍິງຈີນຈະບໍ່ເອົາຊາຍລາວ. ເຮັດໃຫ້ມີລູກສອດເຄິ່ງລາວຈີນ ຈົນຫຼາຍສັດຕະວັດກໍປ່ຽນຊາດ ປ່ຽນສີຈາກລາວເປັນຈີນ ແລະ ເຊື້ອຊາດລາວກໍຫາຍໄປໃນທີ່ສຸດ ເຮັດໃຫ້ດິນແດນລາວບາງສ່ວນກາຍເປັນດິນແດນຂອງຈີນເຖິງທຸກວັນນີ້.

       ນີ້ຄືຫຼັກຖານບາງສ່ວນຈາກປະຫວັດສາດລາວ ມາໃນປັດຈຸບັນນີ້ ກໍເຫັນວ່າມີປາກົດການຄ້າຍຄືສະໄໝກ່ອນເລີ່ມພົ້ນເດັ່ນຂຶ້ນອີກ ເຊິ່ງມີຄົນຈີນເຂົ້າມາທຳການຄ້າອາໄສຢູ່ລາວ ແລະ ແຕ່ງງານກັບຄົນລາວໄປຫຼາຍຄູ່ ແຕ່ແລ້ວ ຊີວິດຄູ່ຂອງຄົນສອງຊາດກໍບໍ່ສວຍງາມຄືຄູ່ແຕ່ງງານຫຼາຍໆຄົນຄິດໄວ້ ຈົນກາຍເປັນຂ່າວຊ່າລືກັນໃຫ້ເຮົາເຫັນຢູ່ທຸກມື້.

         ບໍ່ຮູ້ວ່າເຫດຜົນຍ້ອນຮັກ ຫຼືມີປັດໄຈອື່ນແຊກຊ້ອນ ອັນນີ້ກໍຂໍຝາກໃຫ້ທຸກທ່ານທີ່ໄດ້ອ່ານມາຮອດນີ້ ຊ່ວຍຕອບຄຳຖາມນີ້ນຳກັນວ່າ #ຜູ້ຊາຍຈີນມາພົວພັນກັບແມ່ຍິງລາວເພື່ອຫຍັງ? ປະຫວັດສາດຈະຖືກຊ້ຳຮອຍອີກຫຼືບໍ?

ໂດຍ: ຫຼານຍ່ານາງລາງ
         08 ທັນວາ 2019