ມືດ

"ມືດ" 

 ມືດມົວໝອງໝົ່ນໝໍ້ . . ດຳກໍ່າທຳເອົາ 

 ຍັງຊິເຊົາຄືນງາມ . . . ລຶບໄລລົງລ້າງ

 ໃຫ້ຫາຍໝາງໝອງໄດ້ . . ອໍລະໄມຜຸດຜ່ອງ 

ຄຽມຄ່າຄອງຮູບເນື້ອ . . ໂສມເຊື້ອເຜົ່າພັນ 

ມືດມົວໝອງໝົ່ນໄໝ້ . . ກາຍກໍ່າກາດຳ 

ເປັນເພາະບຸນເວນກຳ . . ກໍ່ກະທຳປາງກີ້ 

ຈຶ່ງໄດ້ມີມາຕ້ອງ . . . ຕິດຕົວຕາມຕໍ່ 

ຫາຫຍັງພໍລົບໄດ້ . . . ຄົງໄຮ້ໄປ່ມີ 

ມືດມົວໝອງໝົ່ນເສົ້າ . . ເຫງົາຫງ່ວມທາງຈິດ 

ມືດຊີວິດວຽນວົນ . . . ວຸ່ນວາຍມິວາງເວັ້ນ 

ເປັນເພາະເວນໃດສ້າງ . . ກຳນາງໃນຊາດເກົ່າ ອີກບໍ 

ຫຼືອົງອິນບ່ອນຟ້າ . . . ມາປັ້ນປ່ຽນແປງ ບໍນໍ

 ຈຶ່ງໄດ້ມາພົບພໍ້ . . . . ຈໍຈວບຈວນຈຳ

 ໃຈລະກຳກືນທຸກ . . . ອຸກພະໄມໝອງໄໝ້

 ໄຮ້ຫົນທາງທຽວດັ້ນ . . ສະໝອງຕັນຕື່ມຕີບ

 ມືດເຖິງສິບແປດດ້ານ . . ຫາໃຜຊວ້ານຊ່ວຍຊູ ໄດ້ເດ? 

ໂດຍ: ອຸລາ ພົມມະສຸກຂະ 

(ຫຼານຍ່ານາງລາວ) 

14.06.2018